வேலியிடப்பட்ட
வெற்றிட நிழலில்
மிஞ்சியிருப்பது
மாமிச உடலின்
மரியாதை தெரியாத சதை...!!
தூக்கி எறியப்பட்ட
வேதனை நிமிடங்களில்
துவண்டு போனது
துருப்பிடித்த பாசத்தின்
ஒற்றைத் துளி பொய்க் கண்ணீர்..!
அதுவரை பேசா உதடுகள்
விடைபெறும் வரை
மௌன உணவு உண்டுவிட்டு,
கைப்பிடி இடைவெளி விட்டபின்
கதைபேச கரம் அழைக்கிறது..!!
புத்தகம் புரட்டியதில்
நழுவ விடப்பட்ட
நடுப்பக்கம் போல,
நினைவில் சாயல் அகற்றி
இறுதியில் ஒட்ட பசை கேட்கிறது..!!
இப்போதைக்கு
இப் போதையே போதும்..!!
மனதின் மசாலாவில்
காரம் குறைந்தது,
பேரம் பேசி என்ன பயன்
தொடர்பும் அறுந்தது..!!
