குடும்பமெனில்
ஆயிரம் இருக்கும்,
குற்றம் குறை சொல்ல
குறைந்தது
ஐநூறாவது இருக்கும்..!!
இதில் பெண்களை வதைப்பது
கேவலமான செயல்..!!
திணறி வருகின்றன
தினம் தினம் செய்திகள்,
பெண்களை
வார்த்தைகளாலும்,
செய்கைகளாலும்
துன்புறுத்தும்
ஆதிக்கப் போக்கு..!!
குடும்ப வன்முறை என்பது,
வெறும் உடல் ரீதியாக
அடித்து துன்புறுத்துவது
மட்டுமல்ல,
அவளுடைய தேவைகள்
மறுக்கப்படுவதும்
வன்முறை தான்..!!
ஆணை விட
அதிகம் படித்தாலும்,
வரதட்சணை
கொஞ்சம் குறைந்தாலும்,
அங்கு வன்முறை
தலை விரிக்கிறது..!!
நம் கலாச்சாரத்தின்
மிகப்பெரிய கொடுமை,
அப்பாவிடம் அடி வாங்காமல்
வளரும் பெண்,
குடிகாரக் கணவனிடம்
அடி வாங்கி அழுவது
வேதனையான உண்மை...!!
பெண்களுக்கு எதிரான
வன்முறைகள் குறைய,
கணவர்கள் அடிப்பதில்
தவறு ஒன்றுமில்லை என்ற
பெண்களின்
அழுகிய சிந்தனைகள்
மாற வேண்டும்...!!
