புறம்போக்கு காதல்…!!!-Mano Red

ம்ம்ம்ம்ம்ம்ம் காதல்

பொல்லாத காதல்..!!

அந்த நேரத்திற்கு மட்டும்

ஆள் தேடும் காதல்,

சுகம் காண மட்டும்

சும்மா வரும் காதல்…!!

மானசீக காதல்,

மனதார காதல்,

கேட்பதற்கு நன்றாகவே இருக்கிறது..!!

மானங்கெட்டவர்கள்

காதலின் போர்வையில்

காமத்தை தேடுகிறார்கள்..!!

தொடாத காதல்,

பட்டும் படாத காதல்,

யோக்கிய காதலென

வெளியில் திரிந்துவிட்டு

சந்து பொந்துகளில்

ஒதுங்க அலைகிறார்கள்..!!

அழ்ந்த காதல்

ஆத்மார்த்த காதலென

வெளியில் சொல்லாதீர்கள்,

ஆத்திரம் வருகிறது,

புறம்போக்கு உங்களின்

பொழுதுபோகுவதற்கு தேவை காதலா…??

தெய்வீகக் காதலென

கடவுளை அவமதிக்க வேண்டாம்..!

பொது இடத்தில்

எச்சில் துப்புவதே தவறு,

அதையும் மீறி அத்துமீறும்

காதலில் காரி துப்பவேண்டும்..!!

கண்ணும் கண்ணும் பாராமல்

முகம் யாரென தெரியாமல்,

கடிதவழிக் காதல் போல்

புனிதமாய் இருக்க வேண்டாம்,

குறைந்தபட்சம் காதலில்

மனிதனாய் இருந்தால் போதும்..!!!