வாயுள்ள பிள்ளை
பிழைத்துக் கொள்ளும்,
ஓட்ட வாயுள்ள பிள்ளை
உளறினாலும்
பேசிப் பேசியாவது
பிழைப்பைத் தேடிக் கொள்ளும்..!!
அமைதியாக
பேசாமல் இருப்பது
ஒரு போர் குணம் எனில்,
எதாவது பேசிக்கொண்டே
எதிரியை பேச விடாமல்
நிலைகுலையச் செய்வது
எத்தனை பெரிய வீரதீரம்..!!
கல கலவென பேசினால்
எல்லாருக்கும் பிடிக்கும் போது
தொண தொணவென பேசினால்
ஏன் பிடிப்பதில்லை...??
காரணம் பேச்சில் இல்லை
பேசப்படும் விதத்தில் இருக்கிறது..!!
பேச்சின் வேகம் என்பது
நோண்டி நோண்டி
கேட்கப்படும் கேள்விகளின்
வேகம் பொறுத்தது..!
இதைச் சமாளிக்க
அதிக அறிவு வேண்டாம்,
அதிகப் பேச்சு போதும்...!!
பேச்சாளர் பேசினால்
அருமை என்று
சொல்வதைப் போல,
ஓட்ட வாயர்களின் பேச்சை
மொக்கை என்று சொல்லவும்
ரசிப்புத் தன்மை வேண்டுமே...!!
பேசினால் என்ன தப்பு..??
பேசினால் தப்பு இல்லை,
பேசிக் கொண்டே இருந்தால்
எல்லாமே நடந்துவிடும்
என்ற (மூட)நம்பிக்கை தான்
ஒப்புகொள்ள வேண்டிய தப்பு..!!
