யாரிடமும் இதுபற்றி
கேட்டதில்லை,
கேட்குமளவுக்கு அது
தலை போகிற விசயமில்லை
முடி போகும் விசயமே.
திருமணச் சந்தையிலும்
பல் பிடித்துப் பார்த்தால்
தப்பிவிடலாம்,
முடி இழுத்தல்லவா பார்க்கிறார்கள் என்று
ஒருவர் சொன்னதே
மண்டையில் நிற்கிறது.
தலையைச் சொறிந்தபோது
முடி உதிர்ந்தது,
மயிர்தானே
போகட்டுமென்று சொல்ல
நானொன்றும் முடி துறந்தவனல்ல.
வட தென் துருவ
காந்தப்புல அறிவியலை
நான்கு சுவருக்குள்
சொல்லிக் கொடுத்தத முடிகள்
உதிரச் சிந்தியதே தவிர
உதிரம் சிந்தவில்லை.
இப்போதெல்லாம்,
கண்ணாடி பார்த்து
சீவுவதை விட
பார்த்துப் பார்த்து சீவுவதே அதிகம்.
எண்ணில் அடங்காத மயிர்கள்
என்னில் அடங்காதவரை
மலை இழுக்கும் முயற்சியெல்லாம்
மந்தமாகவே இருக்கும்.
