கண்ணுக்கு எட்டிய
தூரம் வரை
மரணம் தெரிகிறது,
மதுக்கடைகளின் வாசலில் நின்று
குடிக்க அழைக்கிறது..!!
நல்லதுக்கும்
கெட்டதுக்கும்
நடுவில் என்ன நடந்தாலும்,
மது தேடும் அவனை
மண்ணில் புதைக்க வேண்டும்..!!
தன் குழந்தையின்
எதிர்காலத்தை
ஏலத்தில் விட்டு விட்டு,
குடித்தபின்
ஏப்பம் விடும் அவனை
அடித்துக் கொல்ல வேண்டும்..!!
நகையை அடகு வைத்து
சாராயம் குடித்து,
மனைவியை அடித்து
துன்புறுத்தும்
கையால் ஆகாதவர்களை
கல்லால் அடிக்க வேண்டும்..!!
நல்ல ஆணாக
இருக்க தவறிவிட்டான்
தள்ளாடும் குடி மகன்,
இந்த பிழைப்பிற்கு
தற்கொலை செய்யலாம்
யாருக்கும் துன்பமில்லை..!!
கத்தியின்றி
ரத்தமின்றி
அவன் குடித்தாலும்,
ரத்தம் ரத்தமாக
சாகப் போவது என்னவோ
விரைந்து நிச்சயம்..!!
காந்தி வாழ்ந்த தேசம்
தொலைந்து விட்டது,
நல்ல 'குடி'மகன்கள் வாழும்
பிராந்தி தேசம்
காலூன்றி விட்டது..!!
