இது பொம்பள சாமி,
அது ஆம்பள சாமின்னு
கடவுளுக்கும் சாதி பிரிச்சு,
பக்திக்கு நடுவுல
பாகம் பிரிச்சு கோடு போட்ட
பாழடைந்த உலகம் இது..!!
இருட்டுல திடுக்குன்னு
ஒரு உருவம் பார்த்ததும்,
கடவுளா இருக்குமுன்னு யாருமே
சந்தேகப்பட்டதில்ல..!!
பேய் பிசாசு போல
கடவுளுக்கு
இருட்டுல வேல இல்லன்னு
அத்தன நம்பிக்கை...!!
இந்த காலத்துல
ஒவ்வொரு சாமிக்கும்
ஒரு தனிக்கோவில் இருக்கு,
ஆனால்
எந்த கோவிலுக்குள்ளும்
ஒரு சாமிய கூட காணல..!!
ஒருவேள சாமியெல்லாம்
சாமி பார்க்க போயிருக்குமோ..!!
எதிர வர்றவனுக்கு
காட்சி தரனும்ன்னு,
இடமாகவோ இல்ல
வலமாகவோ
அவசரமாய் நகர்ந்து
அமர்ந்து கொள்கிறார் கடவுள்..!!
மக்கள் கூட்டத்தில்
அவர் தான்
பிரபலமாகி விட்டாரே
இன்னுமென்ன ஆசையோ..??
கடவுளும் காசு பார்க்க
தொடங்கிவிட்டார்,
பணம் வாங்கிக் கொண்டு
சிறப்பு தரிசனம் காட்டுகிறார்,
வரிசைல நின்னு
வாடி வதங்கி வர்றவனுக்கு
வெறும் வெளிச்ச புகை காட்டுகிறார்..!!
கடவுள் பற்றிய உண்மய
இன்னும் சொன்னா
பேய் அறைஞ்சது போல
அதிர்ச்சியா தான் இருக்கும்,
அப்போ கூட
கடவுள் அறைஞ்ச மாதிரி
இருக்கவே இருக்காது..!!
