சீச்சீ என்று சொல்லப்படும்
விஷயங்கள் தான்
எதிர்பார்ப்பை
அதிகம் தூண்டி
மனதை ஆட்டுவிக்கின்றன..!!
ஆபாசங்கள்
தவறாக தெரியவில்லை,
அதை ஆபாசமாக
நினைப்பதன் பின்னணியே
தவறாக தெரிகிறது ..!!
ஆபாசங்களை
விரும்பினாலும்
விருப்பமில்லாதது போல,
முகம் சுழித்தே
ரசிக்கப்படுவது தான் அழகு..!
ஆபாசங்களின்
ஆசாபாசங்களுக்கு
ஆணி வேராக
ஆசைப்படுதலின்
ஆர்வம் ஒளிந்திருக்கிறது..!!
ஆபாசத்தில்
அசிங்கமென ஏதுமில்லை,
அசிங்கமாகி விடுமோ என்ற
அபத்த எண்ணமே
ஆபத்தாகி விடுகிறது ..!!
ஆன்மீகத்தின்
அடிப்படையே
ஆபாசம் தானே..!!
முற்றும் துறத்தலின்
முற்றுப் பெற்ற வடிவமே ஆன்மிகம்
முற்றாத நிலையே ஆபாசம்,,!!
