வெளம்பர உலகமிது,
வெற்று சுவற்றில்
கம்பெனி பெயரை எழுதி
கவர்ச்சி படத்துடன்
வியாபாரம் செய்து
பின்னேறும் உலகம்...!!
பிறந்தநாள்,
பூப்பு நீராட்டு விழா தொடங்கி
எழவு வீடு வரைக்கும்
வெளம்பரங்கள்
அழுது கொண்டிருக்கின்றன..!!
மரம் நடுவதைப் பற்றி
சொல்வதற்கு கூட,
மரத்தால் ஆன
பலகையில்
பச்சை மரம் வரைந்து
விளம்பரம் செய்யப்படுகிறது..,!!
அறைகூவல் விடுக்கும்
அந்நிய பொருள்களில்,
கூவிக் கூவி விற்கும்
சத்தமெல்லாம் ,
சத்தமில்லாமல்
போய்விட்டது...!!
வெறுங்கையில்
முழம் போடுவதற்கு கூட,
தங்க நகை சூடிய
அலங்கார பெண்கள்
விளம்பரமாக
தேவைப்படுகின்றனர்...!!
தன்னைத் தானே
புகழ்ந்து,
உலகமே தன்னை
திரும்பி பார்க்க வேண்டும்
என்பதற்காக
இங்கே எல்லோருக்கும்
தேவைப்படுகிறது
ஒரு வெளம்பரம் ...!!
