மகளதிகாரம் 2 - Mano Red

அலாரம் வைத்ததுபோல்
நடுராத்திரியில் அழுது
கொட்டாவி விடுவதைக்கூட
கவிதையாகச் சமைத்து
மதிப்பெண் குறைவுக்கு
பென்சிலைக் குற்றவாளியாக்கி
புதிய நபர்களுக்கெல்லாம்
‘டாட்டா’ சொல்லி விடைபெற்று
கதையில் பலியான மானுக்காக
“பாவம்” என்று ‘உச்’ கொட்டி
அமாவாசை நிலவை
டார்ச் அடித்துத் தேடி
பெரியவளாகிறேன் என்று சொல்லி
இடுப்பில் சிறுகுடம் சுமந்து
இப்படி எல்லாத் திசைகளிலும்
பிம்பங்களைப் பொருத்தி
வீடுஉலா வரும் மகளே
உன் ஃபோட்டோக்களிலும்
பால் வாசம் வீசுகிறது!