கடவுளின் கெமிஸ்ட்ரி! -Mano Red

தீச்சுழல் நறுக்கி
பெரும்பிளம்பின் வாய்வழியே
நடுவூடாகத் தெரியும்
மின் தொடைகளில்
ஒரு வைராக்கிய சங்கீதம்!
இச்சைகளின் இரவுகளை
பிச்சையெடுக்க
மீளாத் துயரின் நவரசங்களில்
எச்சில் வடிய
நாக்கு ஒன்று தலைகீழ்
தொங்குகிறது.
அச்சமயம் ஆதி இருளொன்று
கடவுளின் முந்தானை பிடித்து
அய்யோவென கூவி
காதலுக்கு அழைத்தபோது
கடவுளின் காதல் வேதியியல் பாதியில்போனது
வீதியில் நிற்கும்
குடுகுடுப்பைக்காரனிடம்!

-Mano Red